‘पुष्पा–२’ को मारमा नीता

काठमाडौं– अभिनेत्री नीता ढुंगानाको फिल्म ‘ह्रस्व दीर्घ’ ले दर्शकमाझ उत्साहजनक प्रदर्शन गरिरहेको छ । यद्यपि, भोलि मंसिर २० गते बिहीवारका दिनदेखि दर्शकले यो फिल्म हेर्न नपाउने भएका छन् । बिहीवारदेखि नेपालका अधिकांशक सिनेमा हलहरुबाट यो फिल्म उत्रिने निश्चित भएको छ । सम्बन्धित फिल्मका बेव साइटहरुमा बिहीवारदेखि यो फिल्मका लागि कुनै पनि शो उपलब्ध गराइएको छैन । योसंग बिहीवारदेखि दर्शकले सिनमा हलमा यो फिल्म हेर्न नपाउने भएका हुन् । गत कार्तिक ३० गतेदेखि प्रदर्शनमा आएको यो फिल्म अहिले अचानक सिनेमा हलहरुबाट उत्रिँदा निर्माण पक्षले ठूलो नोक्सानी व्यहोर्नु पर्ने देखिएको छ । ...