नयाँ ट्रेलरमा ‘मिसिङः केटी हराएको सूचना’: दुई समुदायबीच मेलमिलापको खोजी

काठमाडौं– यही माघ ११ गतेदेखि प्रदर्शनमा आउने नयाँ नेपाली फिल्म ‘मिसिङः केटी हराएको सूचना’ को नयाँ ट्रेलर सार्वजनिक भएको छ । ५ मिनेट १६ सेकेण्डको ट्रेलर फिल्मका शीर्ष कलाकार नाजिर हुसेन र सृष्टि श्रेष्ठ वरपर घुमेको छ । सामाजिक सञ्जालमा भेटिएका नाजिर र सृष्टिबीच यात्रामा निस्किँदा आउने उतार–चढावलाई ट्रेलरमा स्थान दिइएको छ । विशेषत ट्रेलरले फिल्मले पहाडी–मधेशी मेलमिलापको खोजी गरेको देखाएको छ । फिल्ममा नाजिर रामको भूमिकामा छन् भने सृष्टि सीताको भूमिकामा छिन् । ट्रेलरमा केही दिनअघि सार्वजनिक गरिएको नयाँ गीत ‘सपनीमा’का फुटेजलाई पनि स्थान दिइएको छ । ट्राई सिटी पिक्चर्स ...