‘लाज शरणम्’ को नयाँ पोस्टरमा धुर्मुसको गेटअपको चर्चा

काठमाडौं– नयाँ नेपाली फिल्म ‘लाज शरणम्’ को नयाँ पोस्टर सार्वजनिक भएको छ । पोस्टरले फिल्मका नयाँ क्यारेक्टरलाई रिभिल गर्दै दर्शकको ध्यान आकर्षित गरेको छ । पोस्टरमा फिल्मका मुख्य कलाकारहरू सीताराम कट्टेल (धुर्मुस), मुकुन्द श्रेष्ठ, महेश त्रिपाठी, विजय बराल, अर्पण थापा र कमलमणि नेपाललाई प्रस्तुत गरिएको छ । विशेष रूपमा पोस्टरमा अभिनेता सीताराम कट्टेल (धुर्मुस)को गेटअप चर्चामा छ । नेताको भूमिकामा रहेका कट्टेललाई दौरा–सुरुवाल र ज्वारीकोटमा देखाइएको छ । उनी हात उठाएर अभिवादन गरिरहेका छन्, जसले उनको राजनीतिक चरित्रको संकेत गर्छ । उनको लुक्सले पूर्वमन्त्री तथा कांग्रेस नेता मोहम्मद आफतव आलमलाई झल्काएको ...