दर्शकले रुचाए ‘फेरि रेशम फिलिली’ को ‘फेरि जालमा…’

काठमाडौं– महाशिवरात्रीको अवसर पारेर फागुन १४ गतेदेखि प्रदर्शनमा आउने नयाँ नेपाली फिल्म ‘फेरि रेशम फिलिली’ को दोस्रो गीत ‘फेरि जालमा’ ले दर्शक तथा स्रोताको मन जितेको छ । बिहीवार काठमाडौंमा आयोजित एक समारोहमा सार्वजनिक गरिएको यो गीत सार्वजनिक भएको २४ घण्टा नपुग्दै युट्युब ट्रेन्डिङमा उक्लिएको थियो । शनिवार बिहान यो गीतको भिडियो ट्रेन्डिङको आठौं स्थानमा छ । शनिवार बिहान १० बजे यो सामग्री तयार पारिरहँदा यो गीतले युट्युबमा झण्डै नौ लाख भ्यूज पाएको छ । दर्शकको मन जित्दै अघि बढिरहेको यो गीतले ट्रेन्डिङको शिर्ष स्थान ओगट्न सक्ने सम्भावना छ । ...