‘राजागञ्ज’ अभिनेत्री मगराती स्विट्जरल्याण्डको प्रतिष्ठित फिल्म फेस्टिवलको जुरीमा मनोनित

काठमाडौं- आगामी चैत १ गतेदेखि प्रदर्शनको तयारीमा रहेको नयाँ फिल्म ‘राजागञ्ज’की मुख्य अभिनेत्री आशा मगरातीलाई स्विट्जरल्याण्डको प्रतिष्ठित फ्रिबर्ग अन्तर्राष्ट्रिय फिल्म फेस्टिभलकाे अन्तर्राष्ट्रिय जुरी सदस्यमा मनोनित गरेको छ । अन्तर्राष्ट्रिय महिला दिवसको अवसरमा यो खबर आयोजक संस्थाले सार्वजनिक गरेको हो । फ्रिबर्ग अन्तर्राष्ट्रिय फिल्म फेस्टिभलले आफ्नो वेबसाइटमार्फत अभिनेत्री मगरातीलाई जुरी सदस्यमा मनोनित गरेको जानकारी दिएको छ । ‘राजागञ्ज’ प्रदर्शन अगावै अभिनेत्री मगरातीलाई ठूलो उपलब्धि प्राप्त भएको हो । यो महोत्सवमा सन् २०१७ मा उनको अभिनय रहेको ‘सेतो सूर्य’ ले ४ अवार्ड जितेको थियो । यो महोत्सवको ३९ औं संस्करणको कथानक प्रतिस्पर्धातर्फ नेपालबाट अभिनेत्री ...