कांग्रेस महामन्त्री विश्वप्रकाशको शब्द-संगीतमा ‘बिगुल’ को गीत

काठमाडौं- समसामयिक सामाजिक तथा राजनीतिक विषयमा निर्माण हुन लागेको फिल्म ‘बिगुल’ को एउटा गीतमा नेपाली कांग्रेसका महामन्त्री विश्वप्रकाश शर्माले संगीत दिएका छन् । रमेश कोइरालाको निर्देशनमा बन्ने फिल्मको ‘आउ यस्तो देश बनाऔं’ बोलको गीत बुधवार अनामनगरस्थित सायारेम स्टुडियोमा रेकर्ड गरिएको हो । राजेश पायल राईको स्वरमा रहेको गीतको शब्द पनि महामन्त्री शर्माले रचेका हुन् । ‘महामन्त्री शर्माले निकै सान्दर्भिक शब्द र मिठासपूर्ण संगीत सृजना गर्नुभएको छ,’ निर्देशक कोइरालाले भने- ‘बिगुल’ मा यो गीतको उपस्थिति निकै अर्थपूर्ण छ । कुशल राजनीतिज्ञका साथै गीत-संगीतमा समेत निकै दख्खल राख्ने विश्वप्रकाश दाइको शब्द, संगीतप्रति नतमस्तक ...