कात्तिक २८ मा प्रदर्शन हुने भयो सुरक्षाको ‘धागो’, नेपाल–भारतमा एकै दिन

काठमाडौं– अभिनेत्री सुरक्षा पन्तको प्रमुख अभिनय रहेको नेपाली फिल्म ‘धागो’ आगामी कात्तिक २८ गते (नोभेम्बर १४) नेपाल तथा भारतका सिनेमा हलमा एकसाथ रिलिज हुने भएको छ । शुक्रवार पोस्टर सार्वजनिक गर्दै निर्माण पक्षले फिल्मले परिवार, सिमाना तथा नटुट्ने सम्बन्धको कथा प्रस्तुत गर्ने सन्देश दिएको छ । यो फिल्मलाई उदिप राणा थापाले निर्देशन गरेका हुन् । डुवर्सको चिया बगानमा जन्मे–हुर्केका उदिपसँग १८ वर्षसम्म बलिउडमा जी–फाइभ, टेलिभिजन च्यानल तथा ठूला प्रोडक्सन हाउसहरूमा क्रिएटिभ हेड, निर्देशक र प्रोड्युसरको रूपमा काम गरेको अनुभव छ । यद्यपि फिचर फिल्मको रूपमा भने ‘धागो’ उनको पहिलो हो । ...