सिनेमा हलमा दर्शक फर्काउँदै ‘कोशेढुङ्गा’

काठमाडौं– ‘पूर्णबहादुरको सारंगी’ फिल्मका निर्देशक सरोज पौडेलको निर्देशनमा तयार भएको फिल्म ‘कोशेढुङ्गा’ ले जेन–जी पुस्ताको प्रदर्शनपछि खुलेका सिनेमा हलमा पुनः दर्शकको आकर्षण बढाउने संकेत दिएको छ । सोमवारदेखि सिनेमा हल खुलेसंगै यो फिल्मको प्रदर्शनले निरन्तरता पाएको हो । फिल्मको निर्माण पक्षले छ दिनपछि सोमवार खुलेका सिनेमा हलमा आफ्नो फिल्मलाई दर्शकको राम्रो साथ मिलेको जानकारी गराएको छ । त्यसो त प्रदर्शनमा आएको दोस्रो सातासम्म आइपुग्दा ‘कोशेढुङ्गा’ उच्च अकुपेन्सीसहित प्रदर्शन भइरहेको थियो । भदौ २३ गतेदेखि मुलुकमा उत्पन्न असहज परिस्थितिका कारण सिनेमा हलहरू बन्द भएसँगै अन्य नेपाली फिल्महरुसंगै ‘कोशेढुङ्गा’ को प्रदर्शन पनि स्थगित भएको ...