बिपी राजमार्गमा ट्राफिक सचेतना, यात्रुलाई राम्रो व्यवहार गर्न चालकहरूलाई सुझाव

नेपालथोक (सिन्धुली)– दैनिक चार हजार बढी ठूला–साना सवारीसाधन आवतजावत गर्ने बिपी राजमार्गमा चाडपर्वलक्षित ट्राफिक सचेतना कार्यक्रम सञ्चालन गरिएको छ । बिपी राजमार्गको सिन्धुली जिल्लास्थित नेपालथोकमा सवारी चालक र यात्रुहरूलाई लक्षित गरी सचेतना कार्यक्रम सञ्चालन गरिएको हो । नेपाल प्रहरी, ट्राफिक प्रहरी, नेपाल स्काउटलगायतको सहकार्यमा यो कार्यक्रम सञ्चालन गरिएको नेपाल स्काउटका एड्भान्स लिडर राज मैनालीले जानकारी दिएका छन् । यात्रुहरूको सुरक्षा र सवारी चालकको सचेतनाको निमित्त कार्यक्रम सञ्चालन गरिएको मैनालीको भनाइ छ । दुर्घटना न्यूनीकरणको लागि सक्दो काम गरिरहेको मैनालीले जानकारी दिएका छन् । प्रहरी चौकी दुम्जा, सिन्धुलीका प्रहरी साहयक निरीक्षक मनोज थापाले चाडपर्वलक्षित सडक ...