‘ढुंगाको जस्तो मुटु भएका दर्शकमात्र ‘परान’ हेरेर नरोला’- दीपकप्रसाद आचार्य, निर्देशक

काठमाडौं– यतिबेला सामाजिक सञ्जाल एउटा नेपाली फिल्मको प्रशंसाले रंगिएको छ । कात्तिक १४ गते शुक्रवारदेखि प्रदर्शनमा आएको फिल्म ‘परान’ ले दर्शकको मन–मुटु छोएपछि अहिले सञ्जालमा यही फिल्मको चर्चा, परिचर्चा चुलिएको छ । शुक्रवार तथा शनिवारको झरीले फिल्मको इनिसियल बिजनेसमा केही वाधा आए पनि आइतवारदेखि मौसम खुलेसंगै सिनेमा हलले यो फिल्मका लागि शोमात्र बढाएका छैनन्, परिवारैसहित सिनेमा हलमा जाने दर्शकको संख्यासमेत बढेको छ । रञ्जित आचार्य तथा शेखर गोल्छाद्वारा निर्मित यो फिल्ममा नीर शाह तथा मदनकृष्ण श्रेष्ठका साथमा पूजा चन्द, केकी अधिकारी, अञ्जना बराइली, प्रविण खतिवडा, महेश त्रिपाठी, बुद्धि तामाङ आदि ...