अब अमेरिकामा ‘मन बिनाको धन’

काठमाडौं– नेपालमा पाँचौँ हप्तासम्म सफलतापूर्वक प्रदर्शन भइरहेको नेपाली फिल्म ‘मन बिनाको धन’ अब अमेरिकामा समेत प्रदर्शन हुने भएको छ । सानो गाउँबाट प्रारम्भ भएको बाल गायक तथा अभिनेता अशोक दर्जीको संघर्षपूर्ण जीवन यात्रालाई भावनात्मक रूपमा प्रस्तुत गरिएको यो फिल्मले देशभर दर्शकको मन जितिसकेको छ । ग्रेट इभेन्ट मुभीको प्रस्तुतिमा यो फिल्मलाई अमेरिकी दर्शकसमक्ष लैजाने तयारी भइरहेको निर्माण पक्षले जनाएको छ । नेपालमा फिल्मले तीन करोड ८० लाख रुपैयाँभन्दा बढी व्यवसाय गरिसकेको छ । अमेरिकामा प्रदर्शनको औपचारिक घोषणा भइसकेको र विभिन्न शहरहरूमा शोको तयारी भइरहेको जानकारी निर्माण टिमले दिएको छ । अमेरिकामा बस्ने ...