तेस्रो संस्करणको चलचित्र कथा–लेखन कार्यशाला, १० उत्कृष्टलाई उन्नत पटकथा तालिम दिइने

काठमाडौं– नेपाल फिल्म क्याम्पसको आयोजना तथा चलचित्र विकास बोर्ड को सहयोगमा सञ्चालन गरिएको ‘चलचित्र कथा–लेखन सम्बन्धी एक दिने आधारभूत कार्यशाला’ को तेस्रो तथा अन्तिम संस्करण आयोजना गरिएको छ । नेपाल फिल्म क्याम्पसमा आयोजित उक्त कार्यशालामा कथा लेखनमा रुचि भएका २५ जना प्रशिक्षार्थीहरूको सक्रिय सहभागिता रहेको थियो । कार्यक्रममा भारतको फिल्म एण्ड टेलिभिजन इन्स्टिच्युट अफ इन्डिया बाट पोस्ट–ग्राजुएट गरी हाल नेपाल फिल्म क्याम्पसमा फिल्म निर्देशन विभाग प्रमुखका रूपमा कार्यरत केशव पाण्डेले प्रशिक्षकको भूमिका निर्वाह गरेका थिए । उनले चलचित्र कथा विज्ञान, कथाको संरचना, चरित्र निर्माण, द्वन्द विकास र कथा लेखन प्रक्रियाका आधारभूत ...