‘लाली बजार’ मा ‘अडिसन’ दिएर अभिनय गर्न छनोट भएकी हुँ’: स्वस्तिमा खड्का, अभिनेत्री

काठमाडौं– अभिनेत्री स्वस्तिमा खड्काले अभिनय गर्न थालेको एक दशकपछिको यात्रामा पहिलो पटक अडिसनमार्फत फिल्म ‘लाली बजार’ मा अभिनेत्रीको रुपमा अनुवन्धित भएको बताएकी छिन् । षट्कोण आर्टसले निर्माण गरेको उक्त फिल्म ‘लाली बजार’ को पहिलो गीत ‘मायालाई के दिउँ म बैना’ सार्वजनिक गर्न आयोजित पत्रकार सम्मेलनमा अभिनेत्री खड्काले फिल्म निर्माण गर्ने समूहप्रतिको विश्वास र उक्त फिल्ममा उठान गरिएको विषय वस्तुका कारण ‘अडिसन’ दिएको बताइन् । ‘मैले अभिनय गर्न थालेको दर्शवर्ष पार गरेपछि पहिलोपटक अडिसन दिएर भूमिका प्राप्त गरेकी हुँ । किनकि मैले जुन भूमिका निभाएकी छु, त्यो निकै गम्भीर र मेरो लागि चुनौतिपूर्ण ...