आजदेखि सिनेमा हलमा तुलसी घिमिरेको ‘पहाड’

काठमाडौं- नयाँ वर्षलाई लक्षित गर्दै आज वैशाख १ गतेदेखि फिल्म ‘पहाड’ नेपालभर प्रदर्शन भएको छ । बेरोजगारी, मानव विहिन रितिएको पहाड र पानीको समस्यामा आधारित फिल्मलाई वरिष्ठ निर्देशक तुलसी घिमिरेले निर्देशन गरेका छन् । फिल्मले अहिलेको नेपाल समसामयिक विषयमा उठान गरेको निर्देशक तथा लेखक घिमिरेले जानकारी दिए । उनले भने, ‘पहाड सुन्दर ठाउँ हो, हामीले सुन्दरता र सद्भावसँगै रित्तो हुँदै गईरहेको पहाडको कथालाई चित्रण गरेका छौँ । यो कथा पहाडमा सेटअप गरिएको भएपनि यो समग्र देशकै चित्रण हो ।’ उनका अनुसार फिल्मका कलाकारले काठमाडौँ उपत्यकाका विभिन्न फिल्म हलमा पुगेर दर्शकसँग साक्षात्कार गर्नेछन् ...