दर्शकको उत्साहबीच सार्वजनिक भयो ‘मालती मंगले’ को ‘चुड्का भजन’ (भिडियो)

काठमाडौं– प्रदर्शनको तेस्रो दिनमा आइपुग्दा घरेलु बक्स अफिसमा शानदार व्यापार गरिरहेको नेपाली फिल्म ‘मालती मंगले’ को निर्माण पक्षले नयाँ सांगीतिक कोशेली सार्वजनिक गरेको छ । सिनेमा हलहरूमा दर्शकको चाप ह्वात्तै बढेर ‘माउथ पब्लिसिटी’ मार्फत फिल्मले उत्कृष्ट व्यापार गरिरहेको खुसियालीस्वरूप निर्माण टोलीले फिल्ममा समावेश ‘चुड्का भजन’ बोलको भिडियो गीत दर्शकमाझ ल्याएको हो । सार्वजनिक ‘चुड्का भजन’ मा पुरुषोत्तम ढुंगेलको शब्द रचना रहेको छ भने किरण भुसाल लगायतको स्वर सुन्न सकिन्छ । किरण भुसालकै संगीत निर्देशन रहेको यस गीतमा परम्परागत चुड्का लयको आकर्षक प्रयोग गरिएको छ । गीतको ताल बाजा (पर्कसन) मा किरण ...