चौथो सातामा प्रवेश गर्दै ‘महाजात्रा’, नेपालबाटै १४ करोड बढी ग्रस कलेक्सन

काठमाडौं– प्रदीप भट्टराईको लेखन तथा निर्देशनमा बनेको फिल्म ‘महाजात्रा’ भोलि चैत ३० गते शुक्रवारदेखि प्रदर्शनको चौथो सातामा प्रवेश गर्दैछ । चैत ९ गतेदेखि प्रदर्शनमा आएको यो फिल्मलाई दर्शकले झनै उत्साहजनक रूपमा साथ दिइरहेको देखिन्छ । तेस्रो सातामा फिल्मले बक्स अफिसमा बम्पर व्यापारलाई कायमै राखेको छ । दुई सातामा १० करोड १४ लाख रुपैयाँ ग्रस कलेक्शन गरेको फिल्मले तेस्रो सातामा करिब ४ करोड रुपैयाँको व्यापार गरेको छ । नयाँ वर्षमा पनि फिल्मले हलमा राम्रो शोज पाएको छ । दर्शकको बाक्लो उपस्थिति झनै बढेका कारण यो फिल्म अझै केही साता हलमा चल्ने देखिन्छ । ...