फिल्मको व्यवसाय बढ्दै जाँदा दर्शकमाझ आयो ‘फेरि रेशम फिलिली’ को नयाँ गीत

काठमाडौं- महाशिवरात्रिको अवसर पारेर गत फागुन १४ गते बुधवारदेखि प्रदर्शनमा आएको नेपाली फिल्म ‘फेरि रेशम फिलिली’ ले बक्सअफिसमा राम्रो व्यापार गरिरहेको छ । दर्शकबाट मिलेको उत्कृष्ट वर्ड अफ माउथको प्रभाव विस्तारै बक्स अफिसमा देखिन थालेको निर्माता रौनक विक्रम कँडेलले बताएका छन् । बुधवार सार्वजनिक विदाको दिन उत्साहजनक सुरुवात गरेको फिल्मको व्यापार बिहीवार वीक डेका कारण केही कम देखिए पनि शुक्रवार तथा शनिवारको विदाका कारण फिल्मले राम्रो व्यापार गरेको निर्माता कँडेलले बताएका छन् । फिल्मकी मुख्य अभिनेत्री सुपुष्पा भट्टले शनिवार काठमाडौं उपत्यकाका विभिन्न हलमा दर्शकसँग साक्षात्कार गरेपछि मिडियासँगको कुराकानीमा शुक्रवार ...