ट्रेलरमा तुलसी घिमिरेको ‘पहाड’: रित्तिएको गाउँ र पानीको समस्या (भिडियो)

काठमाडौं– नयाँ वर्ष २०८३ लाई लक्षित गर्दै यही वैशाख १ गतेदेखि नेपालसँगै विश्वभर एकसाथ प्रदर्शन हुने नयाँ नेपाली फिल्म ‘पहाड’ को बहुप्रतिक्षित ट्रेलर सार्वजनिक गरिएको छ । सार्वजनिक ट्रेलरमा फिल्मको कथावस्तुलाई चित्रण गरिएको छ । देशको बेरोजगारी, मानवविहिन रित्तिएका पहाड तथा पानीको समस्या ट्रेलरमा देखाइएको छ । फिल्मले अहिलेको नेपाल समसामयिक विषयमा उठान गरेको निर्देशक तथा लेखक तुलसी घिमिरेले जानकारी दिएका छन् । ‘पहाड सन्दर ठाउँ हो, हामीले सुन्दरता र सद्भावसँगै रित्तो हुँदै गईरहेको पहाडको कथालाई चित्रण गरेका छौँ । यो कथा पहाडमा सेटअप गरिएको भएपनि यो समग्र देशकै चित्रण हो,’ ...