अभिनेत्री बनेको हेर्ने बुबाको सपना अधूरैः सुटिङ प्रारम्भ भएको एक हप्तामै बुबाको निधन, पीडा लुकाउँदै क्यामेराअघि उभिइन् साहरा

काठमाडौं– भारतीय सौन्दर्य प्रतियोगिताको चम्किलो मञ्च हुँदै नेपाली फिल्म उद्योगमा पाइला राखेकी नयाँ अनुहार हुन् साहरा सुब्बा । सिक्किमकी यी प्रतिभाशाली युवती अहिले नेपाली फिल्म ‘जलाकी’ बाट अभिनेत्रीको रुपमा डेब्यू गर्दैछिन् । तर उनको यात्रा केवल ग्ल्यामर, र्याम्प र अभिनयसम्म सीमित छैन–त्यसको पछाडि सपना, संघर्ष, परिवारको साथ र गहिरो भावनात्मक पीडा पनि गाँसिएको छ। ‘ह्वाइ नेपाल’ होइन, ‘ह्वाइ नट नेपाल ?’ मुम्बईमा बसेर मोडलिङ गर्दै गर्दा साहरासमक्ष हिन्दी परियोजनाका धेरै प्रस्ताव आएका थिए । फेमिना मिस इन्डिया–२०२४ मा सिक्किमको प्रतिनिधित्व गरिसकेकी उनी चाहेको भए बलिउडतर्फ सहजै अघि बढ्न सक्थिन् । तर उनको ...