नीर शाहदेखि प्रियंका र वर्षासम्मले भने ‘लालीबजार हेर्नै पर्ने फिल्म बनेको छ’

काठमाडौं- दोस्रो सातामा प्रदर्शनरत फिल्म ‘लालीबजार’ लाई विशेष प्रदर्शनीमा कलाकर्मीले तारिफ गरेका छन् । फिल्मको विषयवस्तु, निर्देशकीय पक्ष, कलाकारको जीवन्त अभिनयलाई उपस्थित कलाकर्मीले मुक्तकण्ठले तारिफ गरेका हुन् । सोमवार बेलुकी काठमाडौं स्थित जय नेपाल हलमा आयोजना गरिएको विशेष प्रदर्शनीमा फिल्म हेरेपछि अभिनेता तथा निर्देशक नीर शाहले वर्षौंसम्म सझिने कोसेली उपहार पाइएको बताए । उनले भने, ‘निर्माताले हामीलाई आगामी धेरै वर्षसम्म सम्झिने फिल्म उपहार दिनुभएको छ, यो कोसेलीका लागि धन्यवाद । एउटा नेपालकै कथामा आधारित राम्रो फिल्म हेर्न पाएँ, जुन विश्वासका साथ हल छिरेको थिएँ, निस्किँदा त्यो भन्दा बढी पाएँ । यसमा ...