पोष्टरमा दिपेन्द्र केसीको अन्तर्राष्ट्रिय अवार्ड विजेता वृत्तचित्र ‘सञ्चलालः सीड्स अफ होप’

काठमाडौं– देव डी प्रोडक्सनको प्रस्तुतिमा निर्माण भएको तथा दिपेन्द्र केसीद्वारा निर्देशित एवं निर्मित वृत्तचित्र ‘सञ्चलालः सीड्स अफ होप’ को अफिसियल पोस्टर सार्वजनिक गरिएको छ । निर्देशकले सार्वजनिक गरेको पोस्टरले वृत्तचित्रको गम्भीर विषयवस्तु र यसले प्राप्त गरेका अन्तर्राष्ट्रिय सफलताहरूलाई एकैसाथ उजागर गरेको छ । श्यामश्वेत थीममा रोयल भीमसनेद्वारा तयार पारिएको पोष्टरमा विकट ग्रामीण परिवेशमा रहेका सञ्चलाल तथा एक बालकको दृश्य समावेश गरिएको छ । यस वृत्तचित्रले मकवानपुरको मनोहरीको जङ्गलको बीचमा रहेको एक विकट चेपाङ गाउँमा बसोबास गर्ने अपाङ्गता भएका व्यक्ति सञ्चलालको कथालाई पर्दामा उतारेको छ । गरिवी, एक्लोपन तथा अनेकौँ ...