अन्तर्दृष्टि पुरस्कार घोषणाः तीन विधामा प्रदान गरिने

काठमाडौं– अपाङ्गता भएका व्यक्तिहरूको ३२औं अन्तर्राष्ट्रिय दिवस, ३ डिसेम्बर २०२३ को उपलक्ष्यमा ‘अन्तर्दृष्टि पुरस्कार–२०८०’ तीन विधामा प्रदान गरिने घोषणा गरिएको छ । अपाङ्गताप्रति समाजको विद्यमान नकारात्मक, विभेदपूर्ण र पूर्वाग्रही धारणा अनि सोचमा परिवर्तन ल्याई समता, सहअस्तित्व र सहकार्यसहित सबैको आत्म–सम्मान र पहिचान स्वीकार गर्दै सँगसँगै हिँड्न सकियोस् भन्ने हेतुले डा.कमल लामिछानेद्वारा २०७७ सालमा यो पुरस्कार स्थापना गरिएको हो । देशभरका समावेशी शिक्षा सञ्चालित विद्यालयमा कक्षा ८ देखि १० सम्म अध्ययन गर्ने दृष्टिविहीन विद्यार्थीहरूको सर्वेक्षणको आधारमा अन्तर्दृष्टि नमुना शिक्षक पुरस्कार तथा अन्तर्दृष्टि हातेमालो पुरस्कारकालागि एक शिक्षक र एक विद्यार्थी छनोट गरिएको हो ...