वैदेशिक रोजगारीको पीडादायी कथा बोकेको ‘रियाल रिङ्गेट’ को रिलिज मिति घोषणा  

काठमाडौं – वैदेशिक रोजगारीका लागि बिदेसिने नेपाली युवाहरूको सपना, सङ्घर्ष र बिछोडको मार्मिक कथामा आधारित फिल्म ‘रियाल रिङ्गेट’ आगामी साउन १६ गतेबाट प्रदर्शनमा आउने भएको छ । रेबेल फिल्म्सले शुक्रवार एक पोस्टर सार्वजनिक गर्दै फिल्मको रिलिज मिति घोषणा गरेको हो । विभोर पोखरेलले निर्देशन गरेको यस फिल्मका निर्माता गगनलाल प्रधान हुन् । निर्देशक पोखरेलले हजारौँ म्युजिक भिडियो निर्देशनको अनुभव सँगालेका छन् भने निर्माता प्रधान दशकौँदेखि गीत सङ्गीत निर्माणमा सक्रिय छन् । फिल्मको लेखन प्रदीप भारद्वाजले गरेका हुन् । फिल्मको नाम नेपालीहरू मजदुरी गर्न जाने देशहरू कतार तथा साउदी अरेबियाको करेन्सी ‘रियाल’ र मलेसियाको ...