यस्तो छ ‘जनै हराएको मान्छे’ को नयाँ पाेस्टर

काठमाडौं- नयाँ नेपाली फिल्म ‘जनै हराएको मान्छे: सम्बन्धका धागाहरू’ ले क्यारेक्टर लुक्स सार्वजनिक गर्न थालेको छ । केही दिन अगाडि यो फिल्मका मुख्य कलाकार विजय बरालको क्यारेक्टर लुक्स सार्वजनिक गरेको निर्माण पक्षले आज भोलाराज सापकोटा र आरुस भुसालको लुक्स सार्वजनिक गरेको छ । भोलाराज सापकोटा कमिज, स्टकोट र ढाका टोपीमा छन् । झुस्स दारीमा रहेका उनी थोरै तनावमा देखिएका छन् । सँगै छन् आरुस । झोला बोकेर कपाल मुन्डन गरेको अवस्थामा रातो लुगामा छन् । लुगा पसिनाले निथ्थ्रुक्क भिजेका छन् । उनको यो स्वरुपले उनी संस्कृत भाषा पढिरहेको संकेत गरेको छ । ...