गीत छायांकनको लागि जयपुर पुग्यो ‘जेरी अन टप’

काठमाडौं– तिहारको अवसरमा पारेर आगामी असोज ३१ गतेदेखि प्रदर्शनमा आउने फिल्म ‘जेरी अन टप’ को निर्माण टिम गीत छायांकनको लागि भारतको जयपुर पुगेको छ । निर्माता, निर्देशक र कलाकारसहितको टिम यतिबेला राजस्थानमा गीत छायांकनमा व्यस्त छ । निर्माता सरोज न्यौपाने, निर्देशक सुयोग गुरुङ, अभिनेता अनमोल केसी, अभिनेत्री आँचल शर्मासहितको टिम भारत पुगेको हो । कथाको माग अनुसार आवश्यक दृश्य छायांकनको लागि जयपुर पुगेको निर्माता न्यौपानेले बताए । फिल्मको यूनिटबाट प्राप्त तस्विरहरुमा अनमोल तथा आँचल रोमान्टिक अवतारमा देखिन्छन् । उक्त एक गीतको छायांकन सकेर टोली शनिवार नेपाल फर्किने छ । अनन्या फिल्मस् प्रालिको ब्यानरमा ...