‘आबाट आमा’ मा कन्टेन्ट क्रिएटर साइग्रेस

काठमाडौं– आर्या इन्टरटेन्मेन्टको ब्यानरमा निर्माण हुने नेपाली फिल्म ‘आ बाट आमा’ मोडल तथा सोसल मिडियाका कन्टेन्ट क्रिएटर साइग्रेस पोखरेल अनुवन्ध गर्दै कलाकारको लाइनअप पूरा भएको छ । निर्माण पक्षले पोखरेललाई फिल्ममा अनुवन्ध गर्दै फिल्मको लाइनअप पूरा भएको जनाएको हो । चन्द्र पन्तको निर्देशन,कथा तथा पटकथामा निर्माण हुन लागेको यो फिल्म भदौ १२ गतेदेखि फ्लोरमा जाँदैछ । त्यसकारण पनि निर्माण पक्षले फिल्मका लागि कलाकार तथा प्राविधिक पक्षलाई धमाधम फिल्ममा अनुवन्ध गरेको हो । साइग्रेसलाई अनुवन्ध गर्नु केहि दिनअघि यस फिल्मका लागि मोडल तथा अभिनेत्री उषा उप्रेतीलाई अनुवन्ध गरिएको थियो । ...