नेपाली चलचित्रको सुखद वर्ष

समग्रमा हेर्दा २०८२ साल नेपाली चलचित्रका लागि अवसर र चुनौती दुवै लिएर बिदा भएको वर्ष बनेको छ । एकातिर दर्शकको साथ छ भने अर्कोतिर विदेशी चलचित्रसँगको कडा प्रतिस्पर्धा पनि यथावत् छ । अबको बाटो स्पष्ट छ- नेपाली चलचित्रले आफ्नो मौलिकता कायम राख्दै प्राविधिक र व्यावसायिकस्तरमा सुधार गर्न सकेमात्र दर्शकको उपस्थितिलाई ठोस आर्थिक सफलतामा बदल्न सकिन्छ । अन्यथा, दर्शक नेपाली फिल्मतर्फ आकर्षित भए पनि बजारको ठूलो हिस्सा विदेशी चलचित्रले ओगट्ने क्रम जारी रहनेछ ।