‘लालीबजार’ विवादः अदालतको रोकपछि फिल्म वृत्तमा निराशा, अभिव्यक्ति स्वतन्त्रता र समुदायको सम्मानबीच वहस चर्कियो

काठमाडौं– प्रदर्शनको अन्तिम तयारीमा रहेको नयाँ नेपाली फिल्म ‘लालीबजार’ को प्रदर्शन उच्च अदालत पाटनले अल्पकालिन आदेश जारी गर्दै तत्कालका लागि रोक लगाएपछि नेपाली फिल्म वृत्तमा निराशा छाएको छ । अदालतको निर्णयप्रति अधिकांश फिल्मकर्मीले निशारासंगै फिल्म क्षेत्रमा गलत नजीर बसेको भन्दै चिन्ता व्यक्त गरेका छन् । उच्च अदालत पाटनले मंगलवार जारी गरेको अल्पकालीन अन्तरिम आदेशमार्फत यो फिल्मलाई वैशाख २२ गतेसम्म प्रदर्शन नगर्न निर्देशन दिएको छ । उच्च अदालत पाटनका न्यायाधीश प्रकाश ढुंगानाको एकल इजलासले फिल्मविरुद्ध परेको रिटमाथि प्रारम्भिक सुनुवाइ गर्दै यस्तो आदेश दिएको अदालतका सूचना अधिकारी गोविन्दप्रसाद कोइरालाले जानकारी दिएका छन् ...