‘बाहिरी व्यक्तिहरुको प्रभावलाई कलाकार संघले निष्तेज पार्नु पर्छ’: मोहन निरौला, अध्यक्ष, नेपाल चलचित्र कलाकार संघ

काठमाडौं– तीन वर्षअघि नेपाल चलचित्र कलाकार संघको अध्यक्षमा निर्वाचित भएका मोहन निरौला यतिबेला संघको २१औँ चुनावी साधारण सभालाई सफलतापूर्वक सम्पन्न गर्ने तयारीमा जुटेका छन् । योसंगै उनले आगामी जेठ ३ गते आइतवार सम्पन्न हुने निर्वाचनबाट निर्वाचित हुने नयाँ कार्यसमितिलाई कार्यभार सुम्पने छन् । २०४५ साल भदौ २३ गते स्थापना भएको संघको स्थापनाकालदेखि नै प्रवक्ता, महासचिव, उपाध्यक्षजस्ता पदमा रहेर काम गरिसकेका निरौला पछिल्लो तीन वर्षदेखि अध्यक्षको रुपमा कार्यरत छन् । २०७९ चैत ४ गते अध्यक्ष पदमा निर्वाचित भएपछि अध्यक्ष निरौलाले संस्थाको पेशागत हितलाई ध्यानमा राखेर अघि बढ्ने बताएका थिए । ...