दर्शकको मन जितिरहेको ‘मालती मङ्गले’ अमेरिका र क्यानडामा रिलिज हुँदै

काठमाडौं- गत शुक्रवारदेखि नेपालभर प्रदर्शनमा आएर दर्शकको अपार माया पाइरहेको नेपाली फिल्म ‘मालती मङ्गले’ अब उत्तर अमेरिकाका दर्शकमाझ पुग्ने भएको छ । सेभेन सिज इन्टरनेशनल फिल्म्स र नेपाल ११ इन्टरटेनमेन्टको सहकार्यमा यो फिल्म अमेरिकामा यही मे १५ तारिख, शुक्रवारदेखि बक्स अफिसमा दैनिक शोसहित प्रदर्शनमा आउन लागेको हो । अमेरिकाका सान फ्रान्सिस्को, ड्यालस, सिकागो, क्लिभल्याण्ड, सिनसिनाटी, कोलम्बस र अस्टिन लगायतका प्रमुख सहरहरूमा रिलिज हुन लागेको यस फिल्मको अग्रिम बुकिङ निकै उत्साहजनक रूपमा भइरहेको छ । अङ्ग्रेजी सबटाइटलसहित प्रदर्शन हुने यस फिल्मको क्यानडा रिलिजका लागि पनि अधिकार बिक्री भइसकेको छ । ...