रहेनन् निर्देशक कृष्ण चापागाईँ

काठमाडौं– नेपाली फिल्म क्षेत्रका लेखक, निर्माता तथा निर्देशक कृष्ण चापागाईँको अमेरिकामा निधन भएको दुखद खबर प्राप्त भएको छ । हृदयाघातका कारण उपचाररत रहेका चापागाईँको ५२ वर्षको उमेरमा बुधवार बिहान निधन भएको हो । लामो समयदेखि परिवारसहित अमेरिकाको बोस्टनमा बसोबास गर्दै आएका चापागाईँलाई तीन दिनअघि हृदयाघात भएपछि बोस्टनस्थित क्याम्ब्रिज हेल्थ अलाइन्स इभरेट अस्पतालको आईसीयूमा भर्ना गरिएको थियो । उपचारकै क्रममा उनको निधन भएको अमेरिकामा रहेका नेपाली कलाकर्मीहरूले जनाएका छन् । नेपाली फिल्म क्षेत्रमा सक्रिय रहँदा चापागाईँले ‘एक नजर’, ‘चट्टान’, ‘इज्जतदार’, ‘दिवानापन’, ‘निखिल दाइ’ तथा ‘दिदीभाइ’ लगायतका फिल्महरुको लेखन, निर्माण तथा निर्देशन गरेका ...