नेपाली फिल्मको सेटमा मधेशी भएकै कारण विभेद भएको आरोप, कलाकार काजल कर्णको भावुक खुलासा

काठमाडौं- कलाकार काजल कर्णले नेपाली फिल्म ‘चिरञ्जिवी भवः’ को छायांकनका क्रममा आफूले जातीय तथा क्षेत्रीय विभेद, अपमान र मानसिक दुर्व्यवहार भोग्नुपरेको आरोप लगाएकी छिन् । शुक्रवार साँझ सामाजिक सञ्जालमार्फत लामो वक्तव्य सार्वजनिक गर्दै कर्णले मधेशी भएकै कारण फिल्मको सेटमा आफूलाई पटक–पटक अपमान गरिएको, कलाकारका रूपमा सम्मान नदिइएको र अन्ततः कुनै जानकारीबिनै फिल्मबाट हटाइएको दावी गरेकी हुन् । कर्णका अनुसार सानैदेखि कलाकार बन्ने सपना बोकेर उनले थारु, भोजपुरी, मैथिली तथा नेपाली भाषाका ३५० भन्दा बढी म्युजिक भिडियोमा अभिनय गरेकी छिन् । त्यसपछि नेपाली फिल्म ‘चिरञ्जिवी भवः’ मा अभिनय गर्ने अवसर पाउँदा निकै ...