‘बेहुली फ्रम मेघौली’को फर्स्टलुक पोस्टर सार्वजनिक

काठमाडौं । यसपालिको बडा दशैँमा सिनेमाघरमा आउने मिति तय गरेको चलचित्र ‘बेहुली फ्रम मेघौली’को फर्स्टलुक पोस्टर सार्वजनिक गरिएको छ । शनिबार सार्वजनिक एक पोस्टरमा चलचित्रकी मुख्य अभिनेत्री स्वस्तिमा खड्का फिचर्ड हुनुहुन्छ । बेहुलीले लगाउने रातो रंगको साडी र चोलीमा देखिनुभएकी उहाँ उभिएर ट्याक्टर हाँकिरहेको अवस्थामा चित्रित हुनुहुन्छ । पोस्टरले उहाँले कसैलाई पछ्याइरहेको संकेत गर्दछ ।